今日下午同騎士先生去梅子林，睇吓有冇小浪貓，順道行吓曬吓太陽當運動，幸好戴住口罩行上去都還可以應付。
見到相中呢隻浪浪貓，諗住擺低少少糧食比佢，然後我哋行開，等佢可以慢慢食。
突然聽到一堆狗吠聲，啲狗仲要準備喺上面間屋想跑出嚟（好彩有閘關住），點知六隻狗喺另一個出口出嚟，食晒啲糧。🥺
諗住行一圈來回返落嚟，睇吓見唔見得返隻浪浪貓，點知真係見到佢，於是再擺低啲糧比佢，結果食得少少又係比頭先班狗搶食晒！🥺😢
我明白弱肉強食、適者生存嘅道理，但仍然替隻浪浪貓慘，想有啖安樂茶飯食吓都冇。😭
#請用科學方法養寵物
#避免棄養及過度繁殖